SCHOLION. En igitur, Lector benevole, principia duo cognitionis metaphysicae
06 reconditioris, quorum ope in regione veritatum haud contemnenda
07 dicione potiri licet. Qua quidem ratione si haec scientia solerter colatur, non
08 adeo sterile deprehendetur ipsius solum, et quod ipsi intentatur a contemptoribus
09 otiosae et umbraticae subtilitatis opprobrium, cognitionis nobilioris larga
10 messe redarguetur. Sunt quidem, qui, depravatarum consequentiarum in scriptis
11 acerrimi venatores, e sententiis aliorum semper quoddam virus elicere docti
12 sunt. Hos vero fortasse etiam in his nostris nonnulla in peiorem sensum detorquere
13 posse, quanquam non iverim infitias, eos tamen sensu suo abundare
14 passus mearum partium esse reor, non quod cuipiam fortasse perperam iudicare
15 libeat, curare, sed in recto indaginis atque doctrinae tramite pergere, in
16 quo conamine ut faveant, quicunque de litteris ingenuis bene cupiunt, quanta
17 decet observantia, rogo.

FINIS.